|
|
|
|
Xukuumadda oo Durba Albaabada
u Xidhay Xarunta
Cusub ee Wadahadalada iyo Xuquuqda Aadamaha
|
|
|
Hargeysa DSN Xukuumadda Somaliland ayaa durba albaabada
u xidhay xarunta cusub ee Wadahadalada iyo Xuquuqda Aadamaha
oo dhawaan Hargaysa laga furay.
Sidaana waxa Waaheen u sheegay Illo lagu kalsoonyahay,
waxaanay intaa ku dareen xadhiga xaruntani uu ka dhashay muran
maalmahanba ku gadaanaa xaruntaas oo ay xukuumaddu shaki ka
muujisay.
Wararku waxa kale oo ay sheegayaan in amarka lagu xidhay
xaruntan uu bixiyey wasiirka cadaalada oo markii horeba
xubnahan aasaasay xaruntan siiyey rukhsada ogolaanshaha
furitaanka xaruntan, in kasta oo wararkale sheegayaan in uu
Wasiirku amray in xarunta la hakiyo in mudo ah balse aanay
arrintu ahayn xidhitaan rasmi ah.
Wararka qaar ayaa sheegaya in xidhitaanka xaruntani ku lug
leedahay xidhiidh loo malaynayo inuu ka dhexeeyo xaruntan iyo
Daladdii Ururada xuquuqal-insaanka ee SHUURO Net oo isagana
xukuumaddu hore u xidhay, iyadoo gudoomiyaha Xaruntani uu ahaa
agaasimihii hore ee daladaasi Shuuro net, balse majirto cid
kale oo ka tirsanayd daladaas oo haatan kula jirta aasaaska
xaruntan.
Macadda sababta rasmiga ah ee ay xukuumaddu u xidhay xaruntan
iyadoo mudadii furitaanka xaruntan laga joogo mudo taban cisho
ka yar, islamarkaana uu furay wasiirka Maaliyadda Somaliland
Xuseen cali Ducaale oo ay weheliyaan xubno kale oo ka tirsan
xukuumaddu.
Waxa kale oo ka qaybgalay xafladdii furitaanka masuuliyiin ka
socday golayasha qaranka, Axsaabta iyo hay’addaha caalamiga,
kuwaas oo dhamaantood xaflada ka sheegay inay soo dhaweynayaan
furitaanka xaruntan maadaama wadahadalku yahay furaha nabada
iyo horumarka sida dastuurka Somaliland iyo xeerarka xuquuqda
Aadamuhuba dhigayaan.
Illaa hadase majiro war rasmi ah oo ksoo baxay xukuumadda iyo
masuuliyiinta xaruntan oo ku saabasan xidhitaanka xarunta
wadahadalada iyo xuquuqda Aadamaha.
|
|
|
|
|
| |
|
|
|
